Unidade de Vixilancia e Transferencia de Tecnoloxía

A Enterprise Europe Network permite ás empresas galegas localizar unha tecnoloxía específica a través das 600 organizacións dos 45 países que actualmente conforman a rede.
Do mesmo xeito, a través de Galactea-Plus as empresas, institucións e organismos galegos poden dar a coñecer en Europa as súas innovacións científico-tecnolóxicas.

Onde podo consultar as ofertas e demandas tecnolóxicas difundidas a través da Enterprise Europe Network?


• No seu enderezo electrónico enviándonos cuberto o seguinte cuestionario cos seus ámbitos de interese.

• Nas seguintes ligazóns:

• Páxina web da Enterprise Europe Network
• Páxina web do consorcio Galactea-Plus
• Nesta páxina web

Como podo difundir unha oferta ou demanda tecnolóxica propia?

• Remitíndonos os seguintes cuestionarios ao enderezo galactea[en]cisgalicia.org:

• Oferta Tecnolóxica
• Demanda Tecnolóxica

Máis información:
Galactea-Plus
Enterprise Europe Network
CIS Galicia
+34 981 33 71 46
galactea[en]cisgalicia.org

• Read More »

A OPIDi , en colaboración co consorcio Galactea-Plus da Enterprise Europe Network está a organizar a xornada Oportunidades para as PEMEs en Europa, que terá lugar o vindeiro 11 de marzo en Ferrol (Edificio CIS D&T).

O evento contará coa participación de Fernando Trabada, Xefe do Sector Operacional da Unidade de PEMEs da D.X. de Investigación da CE, que falará do Programa Investigación en beneficio das PEMEs e Asociacións de PEMEs (VII Programa Cadro), e con Isabel Yordi, Xefa da Unidade de Ecoinnovación da EACI (Axencia Executiva para a Competitividade e a Innovación), que tratará o Programa Ecoinnovación do CIP. Asimesmo, Lydia González, do Departamento de Programas Multilaterais do CDTI, exporá as características e condicións doutros Programas Internacionais de I+D (Eureka, Iberoeka, Eurostars, etc.).

Por outra banda, na última sesión da xornada, ofrecerase a posibilidade de concertar entrevistas para a revisión de propostas cos/as expertos/as dos diferentes programas. Aquelas persoas interesadas en revisar a súa proposta terán que enviar un resumo da mesma (1 folla máx.), antes do venres, 5 de marzo de 2010.

Para todos aqueles interesados, achegamos o programa da xornada e o boletín de inscrición. O prazo de inscrición remata o martes, 9 de marzo de 2010.

Programa da xornada e boletín de inscrición (DOC)

Pódese ampliar información sobre os distintos programas nas seguintes ligazóns:

-Investigación para PEMEs

-Ecoinnovación

-Eureka

-Iberoeka

-Eurostars

• Read More »

Rematado o 2009, elaborouse na Unidade de Vixilancia e Transferencia de Tecnoloxía o boletín de solicitudes de patentes galegas.

Neste boletín recóllense todas as patentes solicitadas na Oficina Española de Patentes y Marcas (OEPM) durante o último trimestre de 2009 con orixe galego.

O boletín consta de duas partes, unha listaxe estadística e unha listaxe de patentes.

Boletín de solicitudes de patentes en Galicia durante o último trimestre de 2009. (PDF)

• Read More »

Os vindeiros 10, 11 e 12 de febreiro terá lugar en Valencia a 2ª edición do encontro tecnolóxico-empresarial Cerámica Innova no marco de CEVISAMA 2010, feira internacional da cerámica, pedra natural, materias primas, esmaltes, maquinaria e equipamento de baño e cociña

O evento, organizado por REDIT membro do consorcio SEIMED da Enterprise Europe Network e o Instituto Tecnológico de la Cerámica, está dirixido a empresas, universidades, centros tecnolóxicos e axentes innovadores do sector que busquen socios tecnolóxicos.

Máis información:

Que é un brokerage event?

Folleto Cerámica Innova (PDF)

Catálogo de Cerámica Innova

• Read More »

Presentamos a continuación un vídeo no que se amosa unha historia de éxito da Enterprise Europe Network relacionada cos servizos de apoio á transferencia de tecnoloxía que ofrece a rede ás pemes europeas.

Independentemente de que o proceso de transferir unha tecnoloxía remate en éxito, cremos que o vídeo mostra con claridade o labor de apoio que a rede europea presta ás pemes e polo tanto o traballo que desenvolvemos dende a Unidade coma o punto de contacto en Galiza.

• Read More »

Os pasados días 29 e 30 de outubro o CIS Galicia asistiu as III Xornadas Empresa-Universidade organizadas polo grupo Red PLIR na Universidade de Santiago.

Nesta ocasión asistiron Azucena Vizcaíno e Rodrigo Díaz para presentar á unidade e os seus servizos, e mais concretamente a nova versión de Vixía.

Se alguen desexa probar a plataforma, creouse un portal de proba para ver e explorar un exemplo.
Para solicitar un usuario e contrasinal poden dirixirse a o seguinte correo info@cisgalicia.org e remitiránselle os datos para a conexión.

Poden descargar a presentación en pdf aqui .

• Read More »

Rematado o tercer trimestre do ano, elaborouse na Unidade de Vixilancia e Transferencia de Tecnoloxía o segundo Boletín de solicitudes de patentes en Galicia.

Neste boletín recollense todas as patentes solicitadas na Oficina Española de Patentes y Marcas (OEPM) durante o tercer trimestre de 2009 con orixe galego.

O boletín consta de duas partes, unha listaxe estadística e unha listaxe de patentes.

Boletín de solicitudes de patentes en Galicia durante o tercer trimestre. (PDF)

• Read More »

Adxuntamos información remitida pola organización do evento Murcia Food sobre descontos nos prezos dos hoteis dirixida aos participantes do Murcia Food.

A día de hoxe hai 83 perfís tecnolóxicos inscritos no catálogo do evento, sendo 27 deles demandas tecnolóxicas provintes a gran maioría de empresas españolas.

Dende a Unidade queremos animar ás empresas galegas a participar neste tipo de eventos que poden ser unha excelente oportunidade para establecer colaboracións e acordos a nivel estatal e internacional.

Hoteis Murcia Food. (PDF)

Información relacionada:

Que é un brokerage event?
O Murcia Food
Programa do Murcia Food. (PDF)
Catálogo do Murcia Food

• Read More »

A continuación presentámoslles algúns datos extraídos do informe que presentaremos próximamente á Comisión Europea para xustificar o noso primeiro período de actividade.
Os datos están relacionados coa nosa actividade principal de fomento da transferencia de tecnoloxía e comprenden os seis primeiros meses de 2009:

• Difusión ás empresas galegas de 443 ofertas e 103 demandas tecnolóxicas provintes dos 44 países pertencentes á Enterprise Europe Network.
• Difusión de 16 ofertas e 1 demanda tecnolóxica galegas a través da Enterprise Europe Network
• Recepción de 186 mostras de interese, actualmente 45 atópanse en fase de negociación
• Consecución de 1 acordo de transferencia de tecnoloxía

Dende aquí queremos agradecer aos usuarios do servizo a súa participación e animamos as empresas e institucións galegas que todavía non nos coñezan a porse en contacto con nós.

Alta Galactea-Plus

• Read More »

O pasado 23 de xuño celebrouse na sede de AENOR en Madrid a última reunión do grupo de traballo GT6/CTN166, o CIS Galicia como membro do grupo estivo representado pola responsable da Unidade, Rosa Freire Corzo.

O grupo de traballo constituído para a elaboración da Guía de Vixilancia Tecnolóxica baseada na Norma UNE 166.006:2006 EX. culminou a redacción do borrador da Guía que publicará próximamente AENOR na súa versión definitiva.

Información relacionada:

O CIS Galicia asiste á reunión do grupo do traballo GT6/CTN166 de Aenor

• Read More »